ગાંધીનગર, 28 મે : કેન્દ્રીય ગૃહ અને સહકાર મંત્રી Amit Shah એ આજે ગાંધીનગર જિલ્લાના કોબા સ્થિત ભાજપ પ્રદેશ કાર્યાલય ‘શ્રી કમલમ’ ખાતે શુભેચ્છા મુલાકાત લીધી હતી. તેમની મુલાકાતને પગલે ભાજપ કાર્યકરો અને આગેવાનોમાં ઉત્સાહનો માહોલ જોવા મળ્યો હતો.
આ પ્રસંગે ગુજરાતના મુખ્યમંત્રી Bhupendra Patel, ભાજપ પ્રદેશ અધ્યક્ષ Jagdish Vishwakarma, નાયબ મુખ્યમંત્રી Harsh Sanghavi, પ્રદેશ સંગઠન મહામંત્રી રત્નાકરજી તેમજ પ્રદેશ મહામંત્રીશ્રીઓ અનિરૂદ્ધભાઈ દવે, ડૉ. પ્રશાંતભાઈ કોરાટ, અજયભાઈ બ્રહ્મભટ્ટ, હિતેન્દ્રસિંહ ચૌહાણ અને વડીલ આગેવાન સુરેદ્રકાકા ઉપસ્થિત રહ્યાં હતાં.
મુલાકાત દરમિયાન સંગઠનાત્મક પ્રવૃત્તિઓ, આગામી રાજકીય કાર્યક્રમો તેમજ ગુજરાતમાં ભાજપના વિકાસલક્ષી અભિયાન અંગે ચર્ચા કરવામાં આવી હોવાનું માનવામાં આવે છે. રાજ્યમાં તાજેતરમાં યોજાયેલી સ્થાનિક સ્વરાજ્યની ચૂંટણીઓમાં ભાજપને મળેલી સફળતા બાદ આ મુલાકાતને રાજકીય દૃષ્ટિએ મહત્વપૂર્ણ માનવામાં આવી રહી છે.
‘શ્રી કમલમ’ ખાતે આગમન સમયે કાર્યકરો દ્વારા કેન્દ્રીય ગૃહમંત્રીનું ઉષ્માભેર સ્વાગત કરવામાં આવ્યું હતું. આગેવાનો સાથે સૌહાર્દપૂર્ણ વાતચીત દરમિયાન સંગઠનને વધુ મજબૂત બનાવવાના મુદ્દાઓ પર પણ વિચારવિમર્શ થયો હતો.
ઉલ્લેખનીય છે કે Amit Shah ગુજરાત પ્રવાસ દરમિયાન વિવિધ કાર્યક્રમોમાં હાજરી આપી રહ્યા છે અને રાજ્યના રાજકીય તેમજ વિકાસલક્ષી મુદ્દાઓ પર સતત સક્રિય ભૂમિકા ભજવી રહ્યા છે.
સંપાદક : ગુજરાત પ્રવાસી ન્યૂઝ, અમદાવાદ
