🔸 વર્લ્ડ મોટરસાયકલ ડે પર દમણ સુધી રાઇડ: અમદાવાદ રાઇડર્સ કમ્યુનિટી દ્વારા ટ્રાફિક અને સાયબર જાગૃતિનું સંદેશવહન

અમદાબાદ-ગુજરાત પ્રવાસી ન્યુજ 

 21 જૂન 2025 (શનિવાર) – વર્લ્ડ મોટરસાયકલ ડે નિમિતે અમદાવાદ રાઇડર્સ કમ્યુનિટી દ્વારા એક અનોખી “દમણ કોસ્ટલ રાઇડ” યોજવામાં આવી હતી. આ રાઇડનું મુખ્ય ઉદ્દેશ ટ્રાફિક જાગૃતિ, જવાબદાર મુસાફરી અને સાયબર ગુનાઓ સામે જાગૃતિ ફેલાવવાનું હતું.

આમાં આશરે 50 જેટલા રાઇડર્સે ઉત્સાહભેર ભાગ લીધો હતો. ખાસ વાત એ રહી કે, દમણ પહોંચ્યા બાદ પોલીસ વિભાગના સહયોગથી રાઇડર્સને સાયબર ક્રાઈમથી બચવા માટે માર્ગદર્શન આપવામાં આવ્યું. સતત વધતી ઓનલાઈન છેતરપિંડીને ધ્યાનમાં રાખીને આવા અભિયાનોની જરૂરિયાતને સમાજે સહર્ષ સ્વીકારી છે.

આ સમગ્ર કાર્યક્રમને સફળ બનાવવા પાછળ ભાવિન પટેલ, આયુષ પટેલ, હિતેશ શાહ તેમજ માર્શલ ટીમનું આયોજન અને સંચાલન મહત્વપૂર્ણ રહ્યું. રાઇડ શિસ્તબદ્ધ રીતે અને સુરક્ષાને ધ્યાનમાં રાખીને સંપન્ન થઈ હતી.

સ્થાનિક લોકો અને રાઇડર્સ સમુદાય તરફથી પણ આ પહેલને ભારે પ્રતિસાદ મળ્યો છે. અમદાવાદ રાઇડર્સ કમ્યુનિટી દ્વારા ભવિષ્યમાં વધુ આવાં જ પ્રયત્નો થવાની આશા વ્યક્ત કરવામાં આવી છે.હાર્દિક પટેલ –સ્થાપક અને એડમિન – અમદાવાદ રાઈડર્સ કોમ્યુનિટી અને ગુજરાત રાઈડર્સ કોમ્યુનિટી