દાહોદ સર્કિટ હાઉસ ખાતે ગુજરાત પત્રકાર મહાસંઘની પ્રથમ બેઠક સફળ

દાહોદ

દાહોદ સર્કિટ હાઉસ ખાતે “ગુજરાત પત્રકાર મહાસંઘ”ની પ્રથમ ઐતિહાસિક બેઠક ગૌરવપૂર્ણ વાતાવરણમાં સફળતાપૂર્વક યોજાઈ હતી. પત્રકારોના સન્માન, સુરક્ષા, હકોની રક્ષા અને તેમના ઉજ્જવળ ભવિષ્યને સુનિશ્ચિત કરવા દૃઢ સંકલ્પ સાથે મહાસંઘનું વિધિવત્ ગઠન કરવામાં આવ્યું છે।

આ મહત્વપૂર્ણ બેઠકમાં દાહોદ જિલ્લાના તમામ તાલુકાઓમાંથી પ્રિન્ટ, ઇલેક્ટ્રોનિક અને ડિજિટલ મીડિયા સાથે સંકળાયેલા પત્રકારો મોટી સંખ્યામાં હાજર રહ્યા હતા. સર્વસંમતિથી નક્કી કરાયું કે હવે પત્રકારોના પ્રશ્નો પર સંઘબદ્ધ અને અસરકારક રીતે કાર્ય કરવામાં આવશે।

 પત્રકાર સુરક્ષા અને સન્માન

• રાજ્યમાં પત્રકાર સુરક્ષા કાયદો અમલમાં મુકાવવા માટે સરકાર સમક્ષ મજબૂત રજૂઆત કરવામાં આવશે.

• પત્રકારો પર હુમલા, ધમકીઓ અથવા ખોટા કેસોમાં મહાસંઘ દ્વારા કાનૂની સહાય અને સંપૂર્ણ સમર્થન આપવામાં આવશે.

🔹 સામાજિક અને આર્થિક સુરક્ષા

• પત્રકારો માટે આરોગ્ય વીમા, અકસ્માત વીમા અને પરિવાર સુરક્ષા યોજનાઓ અમલમાં મુકવાની માંગ કરવામાં આવશે.

• વરિષ્ઠ પત્રકારો માટે પેન્શન યોજના અમલમાં મુકવા સરકાર સમક્ષ રજૂઆત કરાશે.

• પત્રકાર કલ્યાણ કોષની સ્થાપના માટે પ્રયત્નો હાથ ધરાશે.

🔹 સંગઠનાત્મક વિસ્તરણ

• ગુજરાત રાજ્યના દરેક જિલ્લા અને તાલુકા સ્તરે મહાસંઘની એકમો રચી સંગઠનને ગ્રામ્ય સ્તર સુધી મજબૂત બનાવાશે.

• પત્રકારો વચ્ચે એકતા, ભાઈચારો અને પારદર્શક સંગઠન વ્યવસ્થા મજબૂત બનાવાશે.

🔹 ગુણવત્તાસભર અને જવાબદાર પત્રકારિતા

• યુવા પત્રકારો માટે તાલીમ શિબિરો, વર્કશોપ અને સેમિનારોનું આયોજન કરવામાં આવશે.

• ફેક ન્યૂઝ સામે જાગૃતિ અભિયાન હાથ ધરાશે.

• નિષ્પક્ષ, નિર્ભીક અને જનહિત આધારિત પત્રકારિતાને પ્રોત્સાહન આપવામાં આવશે.

બેઠકમાં નક્કી કરાયું કે ટૂંક સમયમાં રાજ્ય સ્તરે વિશાળ બેઠક યોજાશે, જેમાં વિવિધ જિલ્લાઓમાંથી પ્રતિનિધિઓ ઉપસ્થિત રહેશે. તેમાં રાજ્ય સ્તરીય કાર્યકારિણીની જાહેરાત, ભાવિ કાર્યયોજના અને પત્રકારોના હકો અંગે વ્યૂહરચના ઘડાશે।

મહાસંઘે સ્પષ્ટ કર્યું કે આ સંગઠન કોઈ વ્યક્તિ વિશેષનું નહીં, પરંતુ પત્રકારોની સામૂહિક શક્તિ અને સન્માનનું મંચ છે. લોકશાહીના ચોથા સ્તંભને વધુ મજબૂત બનાવવા મહાસંઘ સતત સક્રિય અને પ્રતિબદ્ધ રહેશે।

રિપોર્ટ: બ્યુરો ચીફ વનરાજ રાવલ
ગુજરાત પ્રવાસી ન્યૂઝ, અમદાવાદ