देश को ये 10 गारंटी दे रहे हैं। ये गारंटी नए भारत का विज़न है जो युवा, महिला, अमीर, ग़रीब, किसान और व्यापारी हर किसी का जीवन बदल देंगी। ये केजरीवाल की गारंटी हैं और मैं गारंटी लेता हूँ कि इन सभी गारंटी को पूरा करके भारत की दिशा और दशा बदलेंगे।

આમ આદમી પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલજીએ દિલ્હી ખાતે આયોજીત પ્રેસ કોન્ફરન્સમાં હાજરી આપી હતી. આ પ્રેસ કોન્ફરન્સમાં મીડિયા સમક્ષ પોતાની વાત રજૂ કરતા અરવિંદ કેજરીવાલજીએ જણાવ્યું હતું કે, આજે અમે દેશ સમક્ષ ‘કેજરીવાલની 10 ગેરંટી’ લઈને આવ્યા છીએ. આ 10 ગેરંટીઓ નવા ભારતનું વીઝન હશે. આમાં એવા ઘણા કામો છે જે છેલ્લા 75 વર્ષમાં થઈ જવા જોઈતા હતા. આ ગેરંટીઓમાં એવા મૂળભૂત કામો છે, જેના વગર કોઇ પણ દેશ શક્તિશાળી દેશ નથી બની શકતો. આવા તમામ કામોને યુદ્ધના ધોરણે આગામી પાંચ વર્ષમાં પુરા કરવામાં આવશે. આ ગેરેન્ટીઓમાં એવા કામ છે જેનાથી લોકોને મોંઘવારી અને બેરોજગારીથી છુટકારો અપાવવામાં આવશે. અમે પૂરી ગણતરી કરીને આ ગેરેન્ટીઓ બનાવી છે અને આજે દેશમાં કેજરીવાલની ગેરંટીઓ એક બ્રાન્ડ બની ગઈ છે.

દેશને સશક્ત બનાવવા માટે “કેજરીવાલની 10 ગેરંટી” નીચે મુજબ છે:

1. દેશભરમાં 24 કલાક વીજળી આપવામાં આવશે, ગરીબોને 200 યુનિટ/મહિને મફત વીજળી મળશે.

2. તમામ સરકારી શાળાઓને ઉત્તમ બનાવવામાં આવશે, દરેક બાળકને સારું, ઉત્તમ અને મફત શિક્ષણ આપવામાં આવશે.

3. દરેક વ્યક્તિને સારી સારવાર મળશે. દરેક વ્યક્તિ માટે મફતમાં સારવાર ઉપલબ્ધ હશે.

4. રાષ્ટ્ર સર્વોપરી. અમે અમારા દેશની તમામ જમીનને ચીન પાસેથી આઝાદ કરાવીશું. રાજદ્વારી પ્રયાસો થશે અને સેનાને પણ આઝાદી અપાશે.

5. અગ્નિવીર યોજના બંધ કરવામાં આવશે, જેઓ પહેલાથી અગ્નિ વીર યોજના હેઠળ જોડાયા છે તેમની કાયમી કરવામાં આવશે. સેનામાં ફરીથી કાયમી નોકરી શરૂ કરવામાં આવશે.

6. સ્વામીનાથન રિપોર્ટના આધારે ખેડૂતોને MSPના આધારે પાકની વાજબી કિંમત આપવામાં આવશે.

7. દિલ્હીને પૂર્ણ રાજ્યનો દરજ્જો મળશે.

8. 1 વર્ષમાં 2 કરોડ નોકરીઓનું સર્જન કરીશું.

9. ભ્રષ્ટાચાર ખતમ કરવા માટે બીજેપીના વોશિંગ મશીનને તોડવામાં આવશે. પ્રામાણિક લોકોને જેલમાં મોકલવાની અને ભ્રષ્ટાચારીઓને બચાવવાની ભાજપની સિસ્ટમનો અંત લાવવામાં આવશે.

10. વ્યવસાય કરવા માટેની સિસ્ટમ સરળ બનાવવામાં આવશે. GSTને PMLAમાંથી બહાર લેવામાં આવશે.

આ પત્રકાર પરિષદમાં આમ આદમી પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલજી સહિત પંજાબના મુખ્યમંત્રી ભગવંત માનજી, રાજ્યસભા સાંસદ સંજય સિંહ, રાજ્યસભા સાંસદ સંદીપ પાઠક, દિલ્હી કેબિનેટ મિનિસ્ટર ગોપાલ રાય, દિલ્હી કેબિનેટ મિનિસ્ટર સૌરભ ભારદ્વાજ, દિલ્હી કેબિનેટ મિનિસ્ટર આતિશિ હાજર રહ્યા હતા.