ગુજરાતની રાજનીતિ અને વડોદરાના વિકાસને અપુરણીય ક્ષતિ

અમદાવાદ/વડોદરા।

વડોદરા શહેરના અગ્રણી રાજકીય નેતા, ભારતીય જનતા પાર્ટીના વરિષ્ઠ આગેવાન અને માંજલપુર વિધાનસભા ક્ષેત્રના ધારાસભ્ય શ્રી યોગેશભાઈ પટેલના નિધનના સમાચારથી સમગ્ર ગુજરાતમાં શોકની લાગણી પ્રસરી ગઈ છે. તેઓ લાંબા સમયથી અસ્વસ્થ હતા અને સારવાર દરમિયાન તેમનું અવસાન થયું હતું. તેઓ 79 વર્ષના હતા.

શ્રી યોગેશભાઈ પટેલ ગુજરાતની રાજનીતિમાં એક અનુભવી અને લોકપ્રિય નેતા તરીકે ઓળખાતા હતા. તેઓ ભાજપના સૌથી વરિષ્ઠ ધારાસભ્યોમાંના એક હતા અને અનેક વખત વિધાનસભામાં જનતાનું પ્રતિનિધિત્વ કરી ચૂક્યા હતા. વર્ષ 2022ની ગુજરાત વિધાનસભા ચૂંટણીમાં તેમણે સતત આઠમી વખત વિજય મેળવી પોતાની લોકપ્રિયતાનો પરિચય આપ્યો હતો. ત્યારબાદ તેમને ગુજરાત વિધાનસભાના પ્રોટેમ સ્પીકર તરીકે પણ જવાબદારી સોંપવામાં આવી હતી.

વડોદરા શહેરના વિકાસ, નાગરિક સુવિધાઓના વિસ્તરણ અને જનકલ્યાણના કાર્યોમાં તેમનું યોગદાન નોંધપાત્ર રહ્યું છે. સામાન્ય કાર્યકરથી લઈને રાજ્યના મંત્રીપદ સુધીની તેમની રાજકીય સફર અનેક યુવા કાર્યકરો માટે પ્રેરણારૂપ રહી છે. તેઓ હંમેશા જનસંપર્ક અને લોકસેવાને પ્રાથમિકતા આપતા નેતા તરીકે જાણીતા રહ્યા હતા.

તેમના નિધન પર મુખ્યમંત્રી સહિત વિવિધ રાજકીય, સામાજિક અને વ્યાપારી ક્ષેત્રના આગેવાનો દ્વારા શોક વ્યક્ત કરવામાં આવ્યો છે. સૌએ તેમને જનહિત માટે સમર્પિત અને વિકાસલક્ષી દ્રષ્ટિ ધરાવતા લોકપ્રિય નેતા તરીકે યાદ કર્યા છે.

શ્રી યોગેશભાઈ પટેલના અવસાન અંગે શોક વ્યક્ત કરતાં જણાવાયું છે કે વડોદરાના વિકાસમાં તેમનું રહેલું યોગદાન હંમેશા યાદ રહેશે. શહેરના આધુનિક વિકાસ, જનસુવિધાઓના વિસ્તરણ અને ભાજપના સંગઠનને મજબૂત બનાવવામાં તેમની ભૂમિકા મહત્વપૂર્ણ રહી હતી.

ઈશ્વર તેમની પુણ્ય આત્માને ચિરશાંતિ અર્પે અને પરિવારજનો તથા સમર્થકોને આ દુઃખ સહન કરવાની શક્તિ આપે તેવી પ્રાર્થના.

રિપોર્ટ : વનરાજ રાવલ
ગુજરાત પ્રવાસી ન્યૂઝ, અમદાવાદ