સાવરકુંડલા નગરપાલીકા સાવરકુંડલામાં ૧૦ દિવસીય ભવ્ય “સ્વદેશી મેળો” સ્થાનિક કારીગરો અને સખી મંડળોને મફત સ્ટોલની તક

સાવરકુંડલા: રાજ્ય સરકારે વર્ષ–૨૦૨૫ને શહેરી વિકાસ વર્ષ તરીકે ઉજવવાનો ઐતિહાસિક નિર્ણય કર્યો છે. આ અભિયાન અંતર્ગત નગરપાલિકા કક્ષાએ સ્થાનિક કારીગરો, સખી મંડળની બહેનો, નાના ધંધાર્થીઓ અને લોકલ ઉત્પાદકોને પ્રોત્સાહન આપવા માટે વિશેષ પહેલ હાથ ધરવામાં આવી છે.

“લોકલ ફોર વોકલ”ના મંત્ર સાથે રાજ્ય સરકાર દ્વારા સ્વદેશી ઉત્પાદનો, સેવાઓ, કલાકૃતિઓ, આર્ટિફેક્ટ્સ અને હસ્તકલા પ્રોત્સાહિત કરવા જનભાગીદારીને બળ આપવામાં આવી રહ્યું છે.

 ૨૬ ફેબ્રુઆરીથી ૭ માર્ચ સુધી સ્વદેશી મેળો

ઉપરોક્ત અભિયાન અંતર્ગત સાવરકુંડલા નગરપાલીકા વિસ્તારમાં તા. ૨૬/૦૨/૨૦૨૬ થી ૦૭/૦૩/૨૦૨૬ સુધી કુલ ૧૦ (દસ) દિવસ માટે “સ્વદેશી મેળો (શોપિંગ ફેસ્ટિવલ)”નું આયોજન કરવામાં આવ્યું છે.

🔹 મેળામાં સ્થાનિક કારીગરો
🔹 લોકલ ઉત્પાદકો
🔹 કલા સર્જકો
🔹 નાના-મોટા ધંધાર્થીઓ
🔹 ખાણી-પીણી વ્યવસાયકારો
🔹 હાથ બનાવટની વસ્તુઓ બનાવતી સખી મંડળની બહેનો

વગેરે માટે સ્ટોલ ફાળવવામાં આવશે.

 નોંધણી માટે ખાસ સૂચના

રસ ધરાવતા આસામીઓએ નગરપાલીકા ખાતે NULM શાખામાં તા. ૨૩/૦૨/૨૦૨૬ સાંજે ૬:૦૦ વાગ્યા પહેલા અરજી કરી “વહેલા તે પહેલાના ધોરણે” નોંધણી કરાવી સ્ટોલ બુક કરાવવાના રહેશે.

સ્ટોલની સંખ્યા મર્યાદિત હોવાથી સમયમર્યાદા પહેલા નોંધણી કરાવવા વિનંતી છે.
ખાસ નોંધ: સ્ટોલ માટે કોઈ પણ પ્રકારનો ચાર્જ વસૂલવામાં આવશે નહીં.

સાવરકુંડલા નગરપાલિકાની આ પહેલ સ્થાનિક સ્વરોજગાર, મહિલા સશક્તિકરણ અને સ્વદેશી આર્થિક વિકાસ માટે એક મહત્વપૂર્ણ પગલું સાબિત થશે.

રિપોર્ટ: બ્યુરો ચીફ સતીશ બી. પાંડે, અમદાવાદ
ગુજરાત પ્રવાસી ન્યૂઝ